Suriyə və Fələstinədə siyonist rejimi cinoyəton.

Siyonist rejimi canq vəzir ğeyri sərost bə Suriyə Hums şəhri hərbi baza rəket ğande və huccum etırofış kardə.

Bə Fars aqentiyəti raporti əsos Aviqdor Libermən bə Yədiot Aharonot rujnomə votışe: siyonist rejimi hərbi təyyarəon tojədən Suriyədə hərbi əməliyaiku omən.

Əv deştə ım sıxəni bə Suriyə T-4 nomo bıə hərbi Avyasiya baza huccumi cərəyonədə ım rejimi rol işorəş kardə.

Xəbə omə ki ım cumlə cərəyonədə çandə inson kiştə və zəxmin bıən.

Elteyfor nomo bıə hərbi Avyasiya baza ımruj sıb bə ım huccumi məru zumandə.

Siyonist rejimi hərbi təyyarəon bə Ğəzzə tanqə huccumi nəticəku həm çandə xəsorəton bə vıcud omə.

Mehr aqentiyəti raportış doe ki ımrujnə sıb həm siyonist rejimi hərbi təyyarəon Beytulhiyadə çı Həmas təşkilati bəzi vırəon 2 kərə bombardımon kardən ki kəon şişəon arşiyə bois bıə.

Jıqonə həmləon Cəbaliya məntəğədə bə Ezoddin Ğəssami vırəon huccumkarde hadisədə həm bə vıcud omə.

Xəbə omə ki siyonist rejimi be pilot təyyarəon hejo Ğəzzə tanqə səpe pəredən.

Çımiku bə nav həm Fələstini mediyaon bə Fələstini detəsərufati ərazi qollə ğandeku xəbə doeşon bıən.

Ğəzzə cənubədə həm ijən cesmi vəziyəti bevəc bey xoto 1 qılə Fələstinıj şəhid be.