Suriyədə İŞİD-i məğlubiyət bə Amerkə meyli əks be.

Beynəl xalğ sahədə İroni islamiyə şura məclesi rəisi məxsusə məslehətçi votışe: bə Suriyə zidd Amerkə tojə təhdidon hədəf Astanə və Soçiku Suriyə muzakirəon bə Viyana və Cenevrə ovoştoniye heste ta Amerkə mənafe təmin bıbu.

Husein Əmir Əbdullahiyan ımruj bə jurnaliston votışe: Amerkə vey kərə cəhdış kardə çı DAEŞ-i ozvon xilos bıkoy əmmo Suriyə hərbion de İron, Hizbullah və Rusiyə Avyasiya himoyəon İŞİD-i məğlubış kardə ki ım meydonədə çəvon zəlil bey bois bıə ki bə Amerkə milli əks be.

İroni məcles rəisi məslehətçi təkid kardə: siyasi sahədə həm faxti cenevav viyanadə Amerkə siyasiku aksiyaon əvəzi Astanə və Soçiədə siyasi prosis bə vıcud omə, əvon tojə planon kəşe binoşon kardən.

Əv ijən votışe: faxti Suriyə həm siyasi və hərbi sahədə terroriston məğlub karde holədəy boçi bəbe kimiyaviyə silohonku istifodəş bıbu və hol ım ki bə fakton əsos ım çı terroriston pesoxtə bıə plane.

Əmir Əbdullahiyan əlovəş kardə: Amerkə de rəket ğande Suriyədə məsələn ıştə ğudrəti nışo doe fikədə ijən tojə canqi tov varde əze ni.