Ərəbıston bə yəmənı mediyaiyə qrupi hucumış barde.
Apr 13, 2018 07:20 Asia/Tehran
Səudiyə Ərəbıstonı hərbiyə təyarəon zinə hucumədə bə yəmənı qıləy telerədyo qrupi çı məmləkəti Əlhədidə ostanədə 2 nəfər kıştə və çandə nəfər həm yarəjə bedən.
Səudiyə Ərəbıston de Amerkə İ bə ərəbon əmirəti və çandə qılə məmləkəti himoyə 2015 minnə sori martə manqiku bə yəmənı zid hərbiyə təcavuzış təşkil doə və ım məmləkətış zəmin həvo və deyoku muhasirəş kardə.
Bə yəmənı zid Səudiyə Ərəbıston və çəy şərikon canq desbə ısət bə 14 həzo nəfərisə veyə yəmənıji kışte və çandə 10 həzo nəfəri yarəjə be iyən çandə milyon yəmənıji avərəti bois bə.
Ərəbıstonı hərbiyə təcavoz yəmənı fəğırə məmləkətış de xorək iyən dəmoni şiddətinə problem dim bə dimış kardə.