Bə İroni zidd Ərəbıstoni krali beəsosə iddion.

Ərəbıstoni podşo ijən de beəsosə iddion tikror karde İronış bə yəmənədə mıdoxilə iyən terrorizmiku himoyədorəti mıttəhəmış kardə.

Səlman Bin Əbduləziz Ali Səud zinə ruj Ərəbıstoni Əzzəhran nomo şəhrədə bıə Ərəb Liqa 29-nə iclosədə de işorə karde bə Yəməni Hosionku İroni himoyəon, iddioş kardə: İron de balıstik rəkıton vığande Hosionku himoyədorəti kardə.

Ərəbistoni Podşo ijən bə İroni zidd ıştə deşmənçiyə vindemoni tikror kardə və İronış bə terrorizmiku himoyə karde və məntəğədə be stabilə hərəkəton mıttəhəm kardə.

Məntəğə ərəbi kişvəronədə mıdoxilə barədə bə İroni zidd Səudiyə rejimi ım iddioon və beəsos ittihamon qıləy holədə ki Yəməni millət  de Beritaniya və Amerkə tərəfiku vığande bıə silohon ğətliam bıdən.