İron və İraği miyono mədəniyə əloğəon.

Kərbəlo muğəddəsə şəhri cumə imom, İron və İraği miyono mədəni əloğəon inkişofi tələbış kardə.

Bə İrna raporti Şeyx Əbdul Məhdi Kərbəloi de İroni mədəniyət və islamiyə irşad vəzir Seyed Əbbas Salehi vindemon karde 2 qılə kişvəri miyono əloğəon inkişofi xususi mədəniyət sahədə tələb kardən.

2 tərəf kitob nımoyeşqo, icloson, iyən dini və mədəniyə fəaliyəton sahədə bə mıştərik bərnoməon dəvoniyə təkid kardən.

Şeyx Məhdi Kərbəlai ijən bo mıştərək bədi filmon soxtəro əloğəon bino karde əv həm 2 qılə kişvəri mədəniyə həmkarion sayədə təklifış do.

Seyed əbbas Salehi həm ım vindemonədə 2 qılə kişvəri miyono mədəniyə rabitəon hevujəti tələb kardə.

İroni mədəniyət vəzir ki qıləy 5 rujiyə səfəri çərçiv bə İrağ səfərış kardə de İraği mərcə təğlidon və mədəni rəsmi şəxson vindemon karde bə kəno çandə mədəni iyən dini mərkəzonku diyəş kardə.