Burucerdi: millət və dıvləti miyono vəhdət, çı Suriyə ərtışi səbarzəti sirre.

İroni məclesi əmniyyət kamissiya sədr votışe: çandə imkonat və siloh cəhətiku bə Suriyə terrorçiyon komək karde bəpeştə oxo əvon Suriyədə məğlub bıə iyən 7 sori bəpeştə ərtışi vədə təslim bıən.

Əlaeddin Burucerdi, zinə Dəməşği şərğ Cobər nomo tojə ozod bıə məntəğədə təsdiğ kardə: əqə bə nıbe çı Suriyə milləti himoyəon şərği Ğutə iyən Suriyə co məntəğəonədə səbarzətion təşkil nıəbey.

İroni məclesi milli əmniyyət kamissiya rəis əlovəş kardə: Suriyədə niyabətiyə canqiku hədəf, muğavimət cəhbə məğlub karde heste və ısət Suriyədə fidokartion bəpeştə vavriski doe səbarzətion hejo dəvomış heste.

Burucerdi Suriyədə bıə bə bəzi bazaon ğərbi bəzi kişvəron hərbi bombardemoni illəti terroriston məğlubiyətiku nışonə və norohtəti zınəş be və təkid kardə: dınyoədə yoləşəxətion mehvər bəbe oğo bıbu ki muğaviməti cəhbə reaksiya vey zumand bəbe.

İroni məclesi milli əmniyyət kamissiya rəis Suriyə kişvərədə oxonə vəziyətiku xəbə do beyro bə Suriyə səfər kardə və de ım kişvəri ali rəsmi şəxson əcumlə Bəşar Əsəd vindemonış ka.