Muhəmməd Əluş Ceyşul İslam nomo bıə terroristiyə qrupiku istifoş do.

Muhəmməd Əluş Ceyşul İslami terroristiyə qrupi siyasi ofisi rəisətiku istifoş do.

Bə Fars aqentiyəti cumə ruji raporti əsos, Muhəmməd Əluş bəştə ım istifo illət iroəş nıkardə.

Muhəmməd Əluşi istifo qıle holədəy ki Ceyşul İslam terroristiyə qrup dəvardə Aprilə manqi, Şərği Ğutədə ıştə uzvon təslim bey bəpeştə, Duma iyən Şərği Ğələmun məntəğonku həm bə xaric bey məəruz mandəy ijən çı Suriyə ərtışi şərton ğəbul karde bəpeştə ıştə silohon təhvil doşone tə de xar-zəliləti bə Hələbi şimal şərğ, İdleb və Cerables ostanon ovoştoniye bıbun.

Ceyşol İslam numo bıə terroristiyə qrup çı Səudi Rejimi həmmə tərəfinə himoyəton xıvande, anədə ki Suriyədə ım terroristiyə qrupiro çı Ərəbistoni ərtış hisob kardən.

Duma şəhri ətrof çı Suriyə ərtışi kali əməliyotədə, çandə silohon kəşf bıə ki ım qrupi bə Səudiyon vabəstə beyku həğiğəti təsdiğış kardə.

Suriyədə bıə terroristiyə qruponku Ərəbiston, Amerkə və çəvon mıttəhidon himoyəton, bə siyonsti rejimi aid məntəğə vəziyəti əvəz karde, dahon həzo Suriyəvıjon kıştə, zəxmin və avərə bey bois bıə.