Suriyə Əfrinədə hərbi əməliyaton barədə Tırkiyə iddio.

Tırkiyə prezident iddioş kardə ki ım kişvər Suriyə şimal Əfrinədə bıə hərbi əməliyati cərəyonədə çandə terrorçiyonış kıştə və məhv kardə.

Bə İsna raporti əsos çı Anatoli nəğliku Rəcəb Təyyeb Ərdoğan Suriyə şimalədə bıə Tırkiyə dıvləti muxalifə Kırdon məhv karde ıştə prezidentəti dıvrə vey muhimmə Funqsiya zınəş be və votışe: Suriyə şimalədə dıvləti muxalifə Kırdə qrupon məhv kardero hərbi əməliyaton hejo dəvom peydo bəkay.

Yanvari 20-nə rujiku Suriyə muxalifə Kırdon məhv kardero Tırkiyə bə Əfrin huccumış kardə.

Tırkiyə prezident ijən omə səçınədə co partiyaon iştiroki befoydə və məğlub bıə huzur zınəş be və bəştə səbarzəti omidvar mande votışe: əkə çəy faxtədə yəni omə sorədə həm səçın bərpo bıbu ijən əvon bə səbarzəti rəsə karde əzı nin.

Tırkiyədə səçın iyoni 24ədə bərpo bəbe.

Xalığ Cəhbə, Nik Cəhbə iyən Səadət və Demokratikə partiyaon bənə muxalifə dastə çı dıvləti vədən.