Tırkiyə ijən sionist rejimiku tənğidış kardə.
May 23, 2018 17:30 Asia/Tehran
Tırkiyə xarıci vəzir ijən sionist rejimiku tənğidış kardə və votışe: Amerkə və Telaviv bəbe işğaliyə Ğudsi bənə sionist rejimi paytəxt elan karde iyən Amerkə səfarətxanə bə ım muğəddəsə vırə ovıştoniyə barədə izah bedon, cəvob bedən.
Bə Tırkiyə TRT kanali raporti əsos Molod Çavoş Oğlo Telaviviku Amerkə səfarətxanə bə Ğuds ovıştoniyə barədə bə dınyo umum iştimaiyəti reaksiya və muxalifət işorəş kardə və votışe: ım məsələ beynəl xalğiyə məhkəməonədə təğib bəbe.
Amerkə dıvlət rəsmən 2018-nə sori mayə manqi 14 ıştə səfarətxanə Telaviviku bə Beytol muğəddəs ovıştoniyəş ki ım hərəkət beynəl xalğ ğanuni əks bo Amerkəro ijən qıləy be abro əkə siyosət be.
Im ğəroli bəpeştə dınyo və Fələstinədd çandə etıroz aksiyaon bərpo be.