2 qılə co Fələstinıj de sionist rejimi hərbion qullə şəhid bıən.
May 25, 2018 08:14 Asia/Tehran
Oqardey Həxi yolə aksiya cərəyonədə de sionist rejimi hərbion qullə vasitə Ğəzzədə 2 qılə zəxmin bıə Fələstinıjə cıvon, yarəon şiddəti xoto şəhid bıən.
Bə Məəa Fələstiniyə aqentiyəti ımrujnə raporti əsos, 23 sornə cıvon Əhməd Əli Ğətoş və 21 sornə cıvon Muhəmməd Bekr Əbutəhon ki de sionist rejimi qullə zəxmin bıə bıən, pencşambə ruji yarəon şiddəti xoto şəhid bıən.
Isət həm təğribən 50 nəfər Fələstinıjon Oqardey Həx nomo bıə aksiyaədə de sionist rejimi hərbion qulləon zəxmi hesin ki qıvonə vəzyətşon heste.
Ğəzzə sakinon Marti 30 ku həmzəmon de Zəmin Ruji sorqardış Ğəzzə və işğaliyə sərzəminon marziyə məntəğədə Oqardey Həxi aksiya bərpo kardən ki ım aksiyaədə ta ım zəmon 120 qılə Fələstinıj şəhid və çand həzo nəfər zəxmin bıən.