Tırkiyə və Amerkə rabitəonədə bohran ziyod bıə.
İstanbulədə muntəşir bıə Tırkiyəvıjə rujnomə ğeydış kardə, Tırkiyə və Amerkə rabitəon vey saxtə bohrani dəvoniyedə.
Tırkiyə rujnomə zinə ruji qıləy məğaləonədə təkidış kardə ki, Rusiyəku S400 rəke kompeleksi hırye Ankara-Vaşenqtoni miyono bohrani illətonku qıləy nımonə heste.
Tırkiyəvıjə rujnomə əlovəş kardə: Tırkiyə kontorol karde xoto Amerkə silohon hıriyeye və bə Ankara texnoloqiyəon ovoştoniye vədə mane bıdə əmmo bə Sipiyə Kə hərəkəton zidd Tırkiyə lozimə fikfaməti iyən tədbiron bəvıjne.
Məğalə dəvomədə işorə bıə ki jığo Ankara təhdid karde bo Sipiyə Kə foydəş ni və təsdığ bıə Suriyə şimalədə hadisəon ijən Amerkə və İroni miyono bohrani ziyod bey, Ankara-Vaşenqtoni rabitəonədə əcumlə ciddiyə mışkolon hestin.
Tırkiyəvıjə rujnomədə de işorə karde bə ətom beynəl xalğiyəiyə təvafuğiku Amerkə xaric bey barədə Avropa kişvəron norozi mande təsdiğ bıə: Amerkə de jığonə rəftoron iyən ıştə vindımoni bə kişvəron icbor karde, beynəl xalğiyə nizomi ğaydə təhdid kardə.
