Qeneral Şərif: sionist rejim ijən əmniyyətədə nibəmande.

İronədə Ğuds və intifazə ğərorqo rəis bə məntəğədə muğavimət Cəhbə səbarzətion iyən İŞİD-i məğbuliyət işorəş kardə və votışe: sionist rejim ijən əmniyyətədəni bə mande.

İronədə Ğuds və intifazə ğərorqo rəis bə məntəğədə muğavimət cəhbə səbarzətion iyən İŞİD-i məğbuliyət işorəş kardə və votışe: sionist rejim iyən əmniyyətədə ni bə mande.

Qeneral Rəmezan Şərif Tehronədə Ğuds beynəl xalğiyə ruji ğərorqo iclosədə DAEŞ terroristiyə qrupi bino vırə Fələstin məsələku umum iştimaiyəti fikon mınhərif karde plan vəsfış kardə iyən votışe: deşmən cəhdış kardə ki canq İslam dınyoədə dəvomış bıbu əmmo muğavimət cəhbə bə səbarzəti rəsə.

Əv Telaviviku Amerkə səfarətxanə bə Ğuds ovıştoniyə barədə votışe: ım kuədə Amerkə dınyo kişvəron həmroəti çəş kardə be əmmo ozodtələbə milləton həminə xar və zəlil əkə hərəkəti məhkum kardən.

İronədə Ğuds və intifazə ğərorqo rəis çı ımsornə Ğuds beynəl xalğiyə ruji qıləy xususiyətonış çı Amerkə həminə nəhsə plano vədə islam dınyo və Fələstinıjon vəhdət zınəş be və əlovəş kardə: Fələstini millət hejo fişaron kənoədə sionist rejimi vədə bə mande iyən oqarde həx nomo bıə aksiya ijən muğavimət prensipon bəjiş kardə.

Ğəzzə sakinon Marti 30 ku həmzəmon de Zəmin Ruji sorqardış Ğəzzə və işğaliyə sərzəminon marziyə məntəğədə Oqardey Həxi aksiya bərpo kardən ki ım aksiyaədə ta ım zəmon 120 qılə Fələstinıj şəhid və çand həzo nəfər zəxmin bıən.

Mıborək rujə manqi oxonə cımə ruj Ğuds beynəlxalğiyə ruj qeyd bıə.