İraği şimalədə Tırkiyə ehtimoliyə hərbi əməliyoton.

Tırkiyə prezident votışe: bo Ankara kırdə hərbi muxalifon məhv kardeyro İraği şimalədə Tırkiyə hərbi əməliyoton bino bey vaxt kam mandəy.

Bə İsna raporti əsos Tırkiyə prezident Rəcəb Təyyib Ərdoğan zinə elanış kardə: bə PKK silohinə qurupi zərbə varid kardeyro əqə lozım bıbu İraği şimal Sincarədə Tırkiyə hərbi əməliyoton bino bəbe.

Ərdoğan votışe:  İraği şimalədə Tırkiyə hərbi əməliyoton bino bey vaxt rəsə.

Suriyə şimal Əfrinədə Tırkiyə hərbi əməliyoton bəpeştə tırkiyə bəzi vaxton de Ankara kırdə nimə hərbi muxalifon məhv karde bəhonə İraği şimalədə hərbi əməliyaton əncom dodə ki ısət çəy şiddət vey ziyod be.

Tırkon və Kırdon miyono 2012 ədə sulh muzakiron məğlub bey bəpeştə ısət tırkiyə dıvlət iyən PKK miyono canqiyə vəziyət 600 nəfər Tırkiyə hərbiyon iyən bə 7000 nəfər nezi çı PKK zuvon kışte bois bıə.