Yəməni Əlhodəydə məntəğədə çı Səudiyə rejimi qonə zərəl-ziyanon.

Yəməni Əlhodəydə məntəğədə Yəməni mığovimətiyə qrupon və Səudiyə təcavozkaron miyono davoon nəticəku 60 nəfər çı Ərəbistoni mızdoron həlok iyən 130 nəfər əsir bıən.

Bə Əlməsirə kanali raporti əsos ım davoon nəticəku çand da nəfər Ərəbistoni hərbion həm zəxmin bıən.

Yəməni senaperon məxsusə ğıvvon həm dəvardə 72 saəti mıddətədə 30 nəfər çı Ərəbistoni mızdoronə sərhədə kıştə ya zəxmin kardəşone.

Çımiku bə nav həm 123 nəfər çı Ərəbistoni pesoxtə bıə koalisiya mızdoron Yəməni Ənsarullah ğıvvon tərəfo əsir bıə bən.

Əmmo Ərəbiston həm dəvardə 24 saəti mıddətədə 40 kərə bə Yəməni Əlhodidə airporti huccum və ım vırə bombardemon kardəşone ijən çandə şiddətinə davoon həm Əlhodidə airporti ətrofədə de mığovimət ğıvvon zumandə reaksiya dim bə dim bıə.

Ərəbiston rejimi təyyarəon ijən bə ğeyri hərbion huccum karde dəvomədə bə qıləy avtobosi huccum karde cərəyonədə 6 nəfəri kıştə və vey kəson zəxmin kardeşone.

Yəməni Ənsarullah siyasiyə şura uzv Muhəmməd Əlbəxiti ımruj elanış karde: Əlhodidə airporti işğal bey barədə bə Ərəbistoni vabəstə bıə mediyaon xəbə iyən iddion təbliğiyə canq iyən be əsose.

Əlhodidə port airport bə Yəməni millət humanitarə koməkon vığandeyro əsliyə eoe ki iyoni 13-ku de Ərəbistoni koalisiya huccum və bombardımon dim bə dim bıə Ərəbistoni həmpeymonon ım stratejikə məntəğə işğal karde məğsədışone.