İroni Yolə Rəhbəri nımoyəndə de Hələbi muxtəlif cəmaəton vindımonış karde.
Suriyədə İroni Yolə Rəhbəri nımoyəndə de Nobol və Əzzəhra məntəğə sakinon iyən Hələbədə bıə hərəmi mudafiəkə əskəron vindımon və votımonış karde.
Ayətullah Əbolfəzl Təbatəbaei Əşkzəri zinə ruji vindımoni cərəyonədə Nobol və Əzzəhra məntəğə sakinon iyən Hələbədə bıə hərəmi mudafiəkə əskəron mışkilatonku xəbədo be iyən rəsmi şəxsonku çəvon həl karde tələbış karde.
Suriyədə İroni Yolə Rəhbəri nımoyəndə ijən de Suriyə şiə və sınni alimon, hərbi fərmondəhon iyən Hələb ostani aliyə mıfti mulağatış karde.
Əv ım səfərədə bə hərəmi mudafiyəkəyon və şəhidon ailəon Həzrəte zeynəb(s) iyən Həzrəte Roğəyyə(s) pokə hərəmonədə mıtəbərrik bıə hədyəon bə əvon doşe.
Suriyə Hələb ostani Nobol və Əzzəhra məntəğə 2016-nə sori Fevrali 3 de Suriyə ərtış iyən mığuvimət cəhbə həmkarion 4 sor mıhosirə bəpeşt terroriston dastiku xilos be.
