Tolış,Rizvanşəhr və Masal camaati nımoyəndə mesaj

Pesoxtə bıə sehyonist rejimi bəçəmə mahbubə vətəni İroni sərzəmini bəşəvnəy bıə hucumi bədiqə Tolış,Rizvanşəhr və Masal camaati nımoyəndə mesaj

De Mərhəmətin və Rəhminə Xıdo nomi

"Əmə bə Xıdo məxsusimon və bəçəy səmt obəqardemon"

Ğəsbkorə sehyonist rejimi bə İslomi İroni bərəkətinə sərzəmini cinoyətkorə hucum və ojə-oşkoə təcavuzi nəticədə yolə şəhodət lutfışon kəsb kardə de i qrup beqınoə vətəndo,cəsurə hərbi komandiron və fədokorə nuvə alimon şəhodəti munasibəti de ğəm və ğururi pur bıə dıli səbəsəloməti doydəmon.

In erjinə şəhidon deştə pokə xunon İslomi İnğılobi və milli hakimiyyəti mehkəmə do ov doə əzəmətinə şəhidon silsiləku qıləy co halğəy.

Çoko ki,İslomi İnğılobi Ali Məğaminə Rəhbəri(Muddəzillihul Ali) votəşe:“Bə İslomi İroni ərazi ələyh har qıləy təcavuz de şiddətin və viro benışə cəvobi dimbədim bome”.

Imruj ım şəhodəti daston nəyinki İroni mərdum islami vətəni mudafiyə kardey əzmış həni həm ğətiş kardə və həmən seoniston və çəvon həvodəron cinoyətkorə simo bə miyonış noe.Çəmə Şəhidə atomi alimon çe kişfəri şərəf və elmi tərəğği rəmz be.Çəmə Şəhidə qeneralon bə qlobal isttikbori ələyh imon və mığoviməti təcəssume və çəmə şəhidə bekoməqə vətəndoon çe İslomi İroni ziyod bıə ğudrətiku tarsə holədə,bə ın cur vəhşiyə hərəkəton dast ğandə dışmeni cinoyəton coninə subute.əmmo şərə dışmen bəpe bızıno ki:-Şəhidon xun bo oğoə xalğonro çe nuri çoe.-İroni sərzəminon işğalçiyə seonist rejimi beabırçiyə mevcudiyyəti oxo sıftə bəbe.İroni milləti çoko ki,mığqəddəsə mudafiyədə subutış kade,bın mərhələdə həm bə dışmeni deştə qırd zu cəvob bədoe.

Bə İnğılobi mudrikə Rəhbəri əmron əməl kardə holədə ğəssəm hardedəmon ki,əmə çın şəhidon roy de zumandəti və oğoəti dəvom bədomon və çəvon pokə xunon intiğomi İslomi və İroni dışmenonku bəstənemon.

Yasir İslomdust Karbəndi,Tolış,Rizvanşəhr və Masali şəhrıstonon şərofətinə mərdumi nımoyəndə