Bə Suriyə T4 nomo hərbi həva limanı sionist rejimi həmlə.

Suriyə Ələxbariyə kanal xəbə doə ki sionist rejimi hərbi təyyorə, Suriyə Homos ostanədə bə T4 nomo Hərbi hava limanı həmləş karde.

Bə İrna ımrujnə raporti əsos, Ələxbariyə kanal elanış kardə, Suriyə ərtışi anti-rəket və təyyarə sistemon de ım həmlə vədə mığovimət kardeşone.

Bə raporti əsos, israili hərbi təyyarəon ım həmlədə, 4-6 qılə rəket bə T4 hərbi aeroport ətrof qıniyə ki fəğət məhdudə maddi zərəlon bə vucudış vardə.

Suriyə mudafiə vəzarətxanədə hərbi oqohə mənbə votışe, sionist rejimi ərtışi həmlə bə Suriyə ərtışi hərbi aeroport(T4) çand qılə mıtəcuvizə deşməni rəketon məhv be iyən 1 qılə hərbi təyyarə həm anti-rəket sistemon vositə nabud be.

Ta ım zəmon çı siyonistə təyyorə sıquti ehtımoliyə vırə məlum ni, əmmo ımt rejimi ərtışi co təyyorəon Suriyəku bə fəror karde məcbur bıən.

Navko həm(2018-nə sori April 9) sionist rejimi ərtış de rəket həmləon bə Suriyə T4 hərbi aeroport hucum kardə be ki çand nəfəri kışte və zəxmin kardəş be.