İroni xarıci vəzir və İraği tojə xarıci vəziri miyono telefoniyə votımon.

Muhəmməd Cəvad Zərif, İraği tojə xarıci vəziri vıjniye bəy təbrik votışe.

İroni xarıci vəzir zinə de İraği tojə xarıci vəzir Muhəmməd Əli Həkim telefoniyə rabitə cərəyonədə omidvar be 2 qılə hamsoyə kişvəron miyono çokə əloğəon həmmə sahəonədə və bə 2 qılə milləti mənafe əsos hevuj bıbu.

İroni xarıci vəzir İron və dınyo zairon ğəbol karde xoto İraği zəhmətonku ğədrdontiş karde iyən Ərbəini şemoni çı Əhli Beyt(ə) məktəbi əzəmət və 2 qılə milləti vəhdəti simvol zınəş be ki İraği dıvlət bəpe çı sayədə sərhədədə bo zairon şərayeti çımiku vey hoston karde bə cəhd bıbon.

Muhəmməd Əli Həkim həm ım votımonədə bə İron və İraği miyono çokə əloğəon işorəş karde və bə həmkarion inkişof təkidış ka.

İraği tojə xarıci vəzir Ərbəini zaironış çı İraği dıvlət və milləti ğonğon zınəş be və tol səfərədə muxtəlifə imkanaton hozzo karde barədə bə İroni rəsmi şəxson cəmyətiş do.

Muhəmməd Əli Həkim zinə şəv bənə İraği xarıci vəziri İraği parlemantiku etimod sədo kəsbış karde.