Yəməni canqi cərəyonədə hərbi əsiron mıbodilə karde təvafuğiku tojə detalon.
İsveç paytəxt Stokholmədə Yəməni milliyə nicot dıvləti muzakirə əkə heyət Yəməni canqi cərəyonədə hərbi əsiron mıbodilə karde təvafuği barədə tojə detalon elanış karde.
Bə Əlməsirə nəğliku Əlaləm kanali raporti əsos, İsveçədə Yəməni milliyə nicot dıvləti muzakirə əkə heyət Yəməni canqi cərəyonədə 15 həzo canqi əsiri nomi qıləy siyohiədə ğeyd kardeku xəbəş do ki 2 tərəfə bo əvoni mıbodilə karde lozimə zəminəon icod kardedən .
Im heyət elanış kardə: 2 qılə muzakirə əkə heyət 2 haftə mıddətədə edaştə bıə əsiron nom və vəzyəti barədə təhğiğ bəkan peşo hər 2 qılə heyət bo 1 haftə mıhlətışone ta ım təhğiğon nəticəon təğdim bıkən, 4-minə haftə həm bə yande soval-mışohidəon cəvob bədon.
Bə ım raporti əsos, əsiron siyohi ijən bə Sıə Xaç imdodiyə təşkilat doə bəbe ki "Seyon" və "Sənaa" airportiku əsiron vırə bə vırə karde məsule.
Əsironi mıbodilə karde barədə Im təvafuği icra 40 ruj dəbəkəşe.
Yəməni sulh tojə dıvrə muzakirəon dəvardə pencşəmbə(Dekabri 6) Ənsarullah hərəkət muzakirə əkə heyət və Yəməni mıstəfiyə dıvlət(Riyaz Heyət) bə İsveç səfər karde bəpeştə iyən de Yəməni koonədə İ Bıə Milləton Təşkilati məxsusə nımoyəndə Martin Qrifitsi vositəçiyəti İsveçədə bino bıə.
2 tərəfiyə həmlə və daveon vəy qəte, Əlhodəydə porti mudiriyət, Sənaa airporti okarde, əsiron mıbodilə kardey iyən Təezədə otəş bast əcumlə İsveçədə bıə Yəmənıjon miyono muzakirə mıvzoonin.
