Əbədiyə ətr

Əbədiyə ətr

Bın hərəkətədə çe ağl iyən məntıği unsur çə buzuruvorə şəxsi bəyonotonədə təcəlliş pəydo kardə.çın hərəkəti bənav Mədinədə huzur iyən iştiroki zəmoniku tosə şəhodəti ruji.çın nuroni bəyonoton cumlə,ğoymə məntıği bəyonəkə qıləy cumləy.çın məntıği xulosə həm ıme ki,şərayit hozzı bıə iyən mınosib bıə zəmonədə,çe mısılmoni vəzifə hərəkət kardeye.çın hərəkəti əqər xətər və təhlukəş bıbu ya nıbu,həmməysə vey barzə mərhələdəy.həmməysə barzə xətər,ıme ki,inson ıştə coni,ıştə əzizon iyən nezə namuson-jimoni həmro,hovə,fərzəndon iyən kinon-bə ixlosi əsos bıno və bə məydon booy iyən çe əsorəti mə`rəzədə ğərol bıdo.dınyo bəpe çe insoni vəy nıqəto.mılohizə kardey iyən nəzədə qətey bəpe bə insoni mane nıbu.cismoni ləzzət,rohət iyən ofiyət,bə insoni mane nıbu.inson bəpe hərəkət bıko.ehyanə hərəkət nıko,çəy imon iyən İslomi sutunon bərğərol ni.”İnnə Rəsuləllahə...məntığ ıme.dini əsos de xətər iyən təhlukə dimbədim omeyədə,əqər şımə bə ın...hodisə mığobilədə deştə sıxan iyən əməli daxil nıbon,həğği ələllahe ki,betəəhhud iyən beməuliyyətə insoni de həmonə vəzyəti ki,həmonə mığobil tərəfi-həmonə zolım iyən mıstəkbiri-deəy dimbədim kardedə....

Çımı əzizon!çəmə Ğıroni niyozımon heste.ım Ğıron çəmə ımrujnə ehtiyoce.nəyinki,fəğət əmə İroni millət ya İslomi camiyə,bəlkəm bəşəri camiyə,ımruj bə Ğıroni niyozış heste.Ğırone ki,de bə Xıdo kufri mıborizə bardedə,Ğırone ki,de tuğyon iyən tağuti de zumandəti mıborizə bardedə.”Əlləzinə...çe Ğıroni ın ləhn iyən ton çanədə zumande.ımon ımruj çe bəşəri həmonə qiriftorətiyonin.ımon ki,vindedon zikməvulə jeydən çe fulon kişfəri prezdenti ya fulon kişfəri podşo mevğeyədə bə milləton ələyh,bə mərdumi ələyh,bə sulhi ələyh,bə oroməti ələyh,bə hukuməton iyən bə kişfəron sabitəti ələyh,həmonə odəmonin ki,Ğıron bəçəvon sape fəryod kəşeydə.ımi bəpe mərdum bıfamo.ısət Ğıron bəmə votedə:”Vəla tərkənu...bə zolımon etımod məkənən,ım çe ımrujnə dınyo mərdumi qiriftor bıə həmonə çiye.etımod kardedən,çəvon dədə sutuneydə.bın ərəbi kişfəron bəzi qıləyniyonədə qıləy çokə ko bə əməl ome.qıləy ğovğa bərpo be.qıləy oğoəti bə vucud ome.əmmo bənə qıləy şulə ki,boon çəy peyo xok rukon,hamuş bəbe.çıro?çun bə:”La tərkənu....əməlışon kardəni....

Aşura sırfən qıləy torıxi hodisə ni.Aşura bo İslomi ummətiro qıləy fərhənq,qıləy dayimiyə cərəyon və qıləy dayimiyə sərməşğ be.Həzrət Əbi Əbdillah(ə) de ın hərəkəti-ki,ıştə zəmonədə qıləy rasiyonal və məntıği əsosış komilə surətədə ruşin be-bo İslomi umməti qıləy nımunəş nıvışteşe iyən noşe.ın sərməşğ iyən nımunə fəğət həm şəhid bey ni.qıləy vey mırəkkəb və vey nığılə çi be.seqlə usnur ki,çe Həzrət Əbi Əbdillahi(ə) hərəkətədə mevcude:ağl iyən məntıği unsur,ğəhrəmonəti iyən izzəti unsur iyən atifə və emosiyə unsuron...

Əncom doəninə mıcohidət,bəpe de İslomi izzəti əncom doey bıbu.çun:”Əlizzətu Lillah.....mısılmon bəpe həmonə bın hərəkəti royədə və bın mıcohidətədə bəpe ıştə İslom iyən izzətiku mıhofizə bıko.çe məzlumiyyəti ovc iyən pik həddədə,bəçəy çehrə nəzə kardedəş,qıləy izzətin iyən ğəhrəmonə çehrəy.ehyanə əmə bəştə mıosirə torıxi mıxtəlifə siyosi iyən hərbi mıborizəon nəzəkəmon,hətto əvon ki,tifanqışon bə dast peəqətə və de qıləy dimbədimə cismoni canqi məşğul bıən,vindedon ki,qahi zəmon ıştənışon zəlil kardə.əmmo Aşura məntığədə ın məsələ mevcud ni. həmonə vırə ki,Huseyn ibn Əli(ə) i şəv mehlət seydə,izzətmandə formədə mehlət seydə.həmonə co ki,votedə:”Həl min nasirin-istinsor kardedə-çe izzzət iyən zumandəti mevğıyyətiku.həmonə co ki,Mədinə roy miyoniku tosə Kufə de mıxtəlifə odəmon dimbədim omeydə və deəvon sıxan voteydə və çəvonku kali qıləyniyonku koməq seydə,bə zəyifəti iyən ocizəti xoto ni.ın həm co qıləy barzə unsure.ın unsur həmmə mıborizə  və mıcohidətonədə ki,Aşurə ro şeyə kəson ıştə bərnoməonədə vırəbəvırə kardedən,vindey beydə.həmmə mıcohidətamizə hərəkət-çe siyosi,çe reklami və ya çe həmonə vırədə bıbu ki,coni fidokorəti bıbu,bəpe çe izzəti mevğeyiku bıbu....