Əşrəf Ğəni bə məntəğə həmkarion inkişofi təkidış karde.
Əfğanıstoni prezident iğtisodi və ticari muxtəlifə sahəonədəbə bə məntəğəiyə həmkarion lazim bey təkidış kardə.
Bə Şəfəğna(Əfğanıston) aqentiyəti raporti əsos, Muhəmməd Əşrəf Ğəni zinə ruj Əfğanıstoni ğərbi Həratədə "Lacvərd" tranzitiyə karidori bino karde mərosimədə votışe, Kabuli dıvlət pidəşe de həmsoyə və məntəğə kişvəron həmkarion inkişof bıdə.
Əfğanıstoni prezident əlovəş do, de Lacvərd tranzitiyə karidori bino karde əfğanıston və de dınyo miyono rabitəon vədə manəon məhv bəbe.
De Əfğanıstoni prezidentoi huzuri Lacvərd tranzitiyə karidori rəsmi bino karde bəpeştə, ğərore ki Əfğanıstoni ticari i minnə bo və məhsulon bə Avropa vıjoron vığande bıbu.
Lacvərd karidor, Tırkminston, Azərbaryan Respublika və Qurcıston kişvəron vositə Əfğanıstoni bə Tırkiyə rabitə bərğəror bəkarde.
