Fələstiniku himoyədorəti karde çı İroni əsos siyasəte.

İroni xarıci vəzir Muhəmməd Cəvad Zərif zinə Tehronədə de parlamenti siyasi iyən xarıci koon kamissiya rəisi vindemon karde bə Fələstini məsələ əhəmiyyət islam dınyo həmmə kişvəron miyono vəhdət icod karde zərfiyyət işorəş karde və əlovəş do: de təəssufi ımruj islam dınyo dıləku de muğavimət muxalifət bıdə.

İroni xarıci vəzir umidvartiş karde ki bəzi islamı dıvləton ki sionist rejim iyən Amerkə peşt-purin bə islam dınyo oqardon və oğo bıbun ki sionist rejim xatir cəməkə dust iyən şərik ni.

Əv Fələstin məclesi ləğv karde ğeyri demokratik hərəkət və bə sioniston aid zınəş be və muğavimət mehvəri jentonədə bə Fələstin milləti miyono vəhdət və i bemon təkidış karde.

Fələstin məclesədə muğavimət kamissiya rəis Məhmud Əlzəhar həm bə Fələstin millətiku İroni əməli himoyəon işorəş karde və umidvar be sionist rejimi məsələ de Fələstini milləti muğavimət və islam dınyo himoyəon vey rə həl bıbu.

Əv həm Fələstin mıstəğil muxtar Respublika rəisi tərəfo(Məhmud Əbbas) Fələstin ğanuni məclesi ləğv karde tənğidış ka.

Fələstini muğavimət kamissiyaku bə İron ome heyət zinə həmçınin de İroni milli Əminiyyət Şura sərkatib Əli Şəmxani vindemonış karde.