Ərəbistoni xarıci vəzir ixroc be.
Bə Səudiyə rejimi podşoh əmri əsos Adel Cobəyr əvəzi Ebrahim Əsaf bənə Ərəbistoni xarıci vəzir elan bıə ijən Cobəyr xarıci vəzarətxonədə mışovir be.
Bə Əlhədəs kanali raporti əsos Ərəbistoni podşoh Səlman Bin Əbdul Əziz kabinetədə əvəzon bə kəno Ərəbistoni əmniyyəti və siyasi koon şuradə əvəzon əmri bə rəsmi şəxson elanış karde ım şura rəis Ərəbistoni Vəli Əhd Muhəmməd Bin Səlmane.
Əv ijən Musaed Ələybani bənə milli əmniyyət mışovir, Əbdullah Bin Bəndər Bin Əbdul Əzizi bənə milli qardi vəzir, Torki Əlşəbanə bənə məlomat ərosnə vəzir iyən Həməd Alu Əlşeyxi bənə təhsil vəzir elanış ka.
Muhəmməd Bin Nəvev Bin Əbdul Əziz Bin Səudi əvəzi həm co kəs bənə Londonədə Ərəbistoni səfir vıjniyə bəbe.
Ərəbistoni podşoh ijən Əsir məntəğə Əmir Feysəl Bin Xaledi ixrocış karde və çəy əvəzi Turki Bin Təlalış elan kardışe.
Əlcuf məntəğə Əmir, Bəndər Bin Soltani əvəzi həm Feysəl Bin Nəvev elan bəy.
Səlman Bin Əbdul Əziz ijən çı Ərəbistoni turist vəzir, Soltan Bin Səlmani ixrocış ka.
