İrağədə Amerkə anti İron təbliğiyə canqi oxonə senari.

İ Bıə Milləton təşkilatədə İroni nımayəndəti sıxənəvot İrağədə bıə Amerkə səfarətxonəku ğeyri lazimə koəkəyon xaric bey Amerkə anti İron təbliğiyə canqi oxonə senari zınəş be ki nadırıstə xəbəon iyən raportonku icod bıə.

Bə İrib raporti əsos, Əlireza Miryosefi votışe: Amerkə tərəfo jıqonə rəftoron məntəğədə ehtımaliyə daveon xoto bəhonə icod karde çərçivədəy.

İ Bıə Milləton təşkilatədə İroni nımayəndəti sıxənəvot əlovəş karde: İrağ ya dınyo har vırədə İron bo hiç kəsi bənə təhdid ni iyən bə hiç vırə həmlə karde məğsədış ni.

Əv votışe: İron ıştəni oqəte iyən ıştə mənafe hifz kardedə və har curnə təhdidonku bə kəno tojə təbliğiyə canqi vədə təslim ni bəbe.

Bə Fars aqentiyəti əsos həm ımroj İraği xarıci vəzarətxonə qıləy bəyaniyədə elanış kard ki İraği əmniyyəti vəziyət çokə və İrağ de həmmə tərəfon həmohənq bə votımon iyən məntəğədə stabiləti təkid kardedə.

Amerkə xarıci vəzarətxonə zinə de bəyaniyə vasitə bə Bəğdadədə ıştə səfarətxonə iyən Erbilədə konsul ğeyri lazimə koəkəyon elanış karde ki İrağədə noəmnion xoto ım kişvəri rə tərk bıkən.