Yəmənıjon bə Ərəbıstonı cənub rəketinə hucumon.
Jun 23, 2019 04:20 Asia/Tehran
Yəmənı silahinə ğıvvon və mubarizəəkon şanbə şəvi bə Yəmənı zid Səudiyə koalisiya cinayəton cəvobədə de "Zelzal 1" 2 qılə bomiyə balestikə rəket,Ərəbıstonı cənub Əsir ostani Ələb nomo bə ro neziədə bə Səudiyə muzdoron cəm bə vırə hucumışon bardə.
Yəmənı Əlməsirə kanali elanış karde ım rəketinə hucumədə Səudiyə muzdoronku çandə 10 nəfər bə həlokət rəsən iyən bəzion yarəjə bən.
Yəmənı silahinə ğıvvon iyən mubarizəəkon təğribən ha ruj Ərəbıstonı mərkəziyə sərzəminon hədəf qətedən ki ım koon Səudiyə koalisiya bə Yəmənı zid təcavuzon iyən ım məmləkəti ğeyre hərbion hədəf qəte cəvobədə əncom bedə.