Ğərni muğavilə məğlub bənine.

İroni islamiyə şura məclesi məxsosə mışovir bə Bəhreynədə anti Fələstin iclosi dəvoniye işorəş karde və votışe: ım iclos Fələstinədə bə sionist rejimi əleyh tojə dıvrə intifozə binovrəy.

Bə İrib raporti əsos Husein Əmir Əbdullahiyan ım muğavilə çı Trampi be foydə və məğlob bənin plan hisobış karde və votışe: Ərəbiston, İ Bıə Ərəb Əmiron və Bəhreyn bə islam dınyo xiyonət karde sahədə navdəşə kişvəronin ki daxilədə anədə bıhranon kənoədə pidəşone sionist rejimi bənə rəsmi dıvlət hisob bıkən.

Əv Bəhreyni iclosi barədə həm votışe: sionist rejim ki de islamiyə kişvəron siyasi və diplomatik həmkarionədə normal vəzyəti icod karde xoto məğlob bıə ısət ticari həmkarionış pidə.

Əmir Əbdullahiyan Bəhreyni ım iclosi ğəbol karde xiyonəti barədə həm təkidış karde ki Ale Xəlifə de Məname iclosi bə Fələstin xiyonış karde iyən hukmən Bəhreynədə milləti etırazon şiddətin bey bois bəbe.

Maştə və paşo Bəhreynədə ğərni muğavilə plani çərçivədə qıləy ticari iclos bərpo bəbe.

Im iclos dınyo islamiyə kişvəron etırazi bois bıə.