Əsri muğavilə çı Fələstin milləti həx-huğuği zay əkəy.

Tehronədə Həmas təşkilati nımoyəndə votışe: əsri muğavilə məğlub bənine.

Bə İrib raporti əsos Xaled Ğədomi Tehronədə əsri muğavilə barədə məxsosə iclosədə təkidış karde ki Tramp duə vuje iyən de Ğərni Muğavilə Fələstin milləti həx-huğuği məhv karde fikədəy. 

Ğədomi Asiya ğərbədə xarıcion hərbiyə huzuri befoydə və ğeyri ğanuni zınəş be və votışe: muğavimət cəhbə de ğudrəti Fələstini əleyh bıə Amerkə və sionist rejimi həmmə planon məğlob bəkan. 

Tehronədə Fələstini səfir həm votışe: Amerkə prezident de yolə Sraili pesoxtə bənə sionist rejimi əbzar əməl kardedə. 

Səlah Zəvavi təkidış karde: bə sioniston pesoxtə bıə xəritə əsos Srail çı Yardaniya, Suriyə, İrağ və hətto Ərəbistoni zəmini həm şomil bəbe. 

Zinə beynəl xalğ sahədə İroni islamiyə şura parlamenti məxsosə mışovir Husein Əmir Əbdullahiyan həm əsri muğavilə cərəyonədə məğlob bıə tərəfon iyən ım pesoxtə bıə muğavilə barədə votışe: əsri muğavilə həm bənə Donald Trampi co nodonə ğərolon de beynəl xalğ be etenoi dim bə dim bəbe. 

Əv ğərni muğavilə nəticə islamiyə kişvəron, muğavimət cəhbə iyın Fələstinıjon miyono vəhdəti amil zınəş be və ijən bə Fələstin millətiku İroni milləti himoyəon dəvom doe təkidış karde.