Ərəbıstonı silahinə ğıvvon Yəmənıjə ğıvvon vədə məğlub bin.
Jul 12, 2019 08:30 Asia/Tehran
Yəmənıjə ğıvvon qıləy əməliyatdə,Ərəbıstonı silahinə ğıvvon məğlub kardeədə,ım məmləkəti əraziədə çəvon hərbiyə mərkəzon kontrolışon bəştə dast qəte.
Bə Yəmənı Əlməsirə xəbəriyə mərkəzi elanon əsosi Yəmənıjə ğıvvon zinə qıləy əməliyatdə ım mərkəzonışon Ərəbıstonı cənub Cizanı Əldod məntəğədə təsərrufışon karde.
Həminə holədə Yəmənı silahinə ğıvvon və mubarizəəkon snaperon həm Ərəbıstonı Cizan və Nəcranı əməliyatiyə məntəğonədə dəvardə saatonədə Səudiyə 14 qılə hərbi hədəf qətedən və əvoni kıştedən.