Seyed Həsən Nəsrullah: muğavimət har zəmoniku vey zumande.

Livani Hezbullah rəis bə Livani Əlməyadin kanali votışe: həmmə məhdudiyəton kənoədə əmmo muğaviməti cəhbə ğudrət vey ziyod bıə.

Bə İrirb raporti əsos " Seyed Həsən Nəsrullah " bə muğavimət cəhbə həmmə tərəfinə inkişofi işorəş karde və votışe: ımruj har zəmoniku vey deşmənon muğavimətiku tarsedən.

Əv bə muğavimət rəketiyə ğudrəti işorəş karde ki karde bəzne İsrailış bə seği əsr və dıvrani oqardo.

Seyed Həsən Nəsrullah Fələstin və əsri muğavilə xəbisə plani barədə həm votışe: ım plan hukmən məhkum bə nine boçi ki Fələstinıjon vəhdət və zumandəti Amerkə və Amerkə mıttəfiğon planon məğlob bəkay.

Livani Hezbullah rəis bə Suriyə səbarzətion iyən ım kişvərədə deşmənon yolə məğlobiyət işorəş karde və votışe: dəvardə 8 sori bıhrani mıddətədə Suriyə ısət vey çokə şərayetədəy.

Seyed Həsən Nəsrullah Amerkə anti İron fişaron barədə həm təkidış karde ki İron hiç faxt muhasirə və sanksiyaon vədə təslim ni bəbe və anti İroni hərbiyə əməliyaton barədə həm notaş  do ki əqə bə İroni əleyh har curnə canq bino bıbu çəy otəş qırd məntəğə bəqəte iyən ım canqədə Tehron cayli ni və har rejim ki ım canqədə anti İron əməliyatonədə iştirokış bıbu bəpe reaksiyaon intizorədə bemando.

Seyed Həsən Nəsrullah Yəməni Ənsarullh ğudrəti barədə həm votışe: ısət Yəmən karde bəzne bə Ərəbistoni həmmə airporton iyən İ Bıə Ərəb Əmiron vey məntəğəon həmlə bıkə ki qədə qədə ım ko bino bəbe.