Məntəğə ovon əmniyyət de məntəğə kişvəron həmkari təmin bəbe.

İroni dıvləti sıxənəvot bə Asiya ğərb məntəğə İnqiltərə hərbi kəştion vığande ğəroliku tənğidış karde və votışe: çı məntəğə ovon əmniyyət fəğət de kişvəron miyono həmkarion təmin bəbe.

Bə İrna raporti əsos, Əli Rəbie əlovəş karde: İnqiltərə bə məntəğə hərbi kəştion vığande əvəzi bəpe ım məntəğə əmniyyəti bə hamsoyə kişvəron bıdə boçi ki jıqo koon vey çok əncom bəbe.

İroni dıvləti sıxənəvot İnqiltərə hərbion tərəfo Cəbəlottarığ tanqədə İroni nat kırnə tankeri mısodirə karde barədə həm votışe: ım qiro peqəte bıə nat kırnə tankeri barədə İroni huğuği fəaliyəton dəvom kardedə.

İnqiltərə hərbi dıyo ğıvvon İyolə manqi 4 ğeyri ğanuni hərəkətədə və de Amerkə təhrik icodəkə tələbi cəbəlottarığ tanqədə İroni qıləy nat kırnə tankeri be əsos mısodirış karde.