Zərif: Asiya ğərb məntəğə əmniyyəti hırye imkanış ni.

Bə Ərəbiston 500 nəfər Amerkə hərbion vığande barədə Amerkə rəsmi şəxson tojə sohbəton reaksiyaədə İroni xarıci vəzir votışe ki Asiya ğərb məntəğə əmniyyəti xarıciku hırye imkanış ni.

Muhəmməd Cəvad Zərif bə Nəşnal İnterst aqentiyəti votışe: ım hərəkət qıləy simvolinəku hisob bıdə ki bə kişvəron əmniyyət koməkəkə ni.

Zərif bə məntəğə kişvəron əmniyyəti de həmkari və məntəğə əloğəon təmin karde toon işorəş karde və votışe: Asiya ğərbədə Amerkə huzur bə ım məntəğ əmniyyəti foydəş ni bəbe.

Əv bə Suriyədə bıə terroriston Amerkə silahinə koməkon işorəş karde və təkidış karde: hiç kişvəri karde ni bəzne de terroriston silahin karde milləton muğaviməti məğlob bekoy.

Zərif anti İron makzimum fişaron barədə həm votışe: ım siyasət bə Tramp noxəşon tosiyə karde və məslehət doe nəticəy boçi ki de ım siyasət İron muzakirə əkəy ni.

Əv ətomiyə muğavilədə Avropa be əmələ rəftoronış tənğidış karde və təkidış karde ki Avropa əkə ıştə mənafış pidə, bəpe co roon vıjniyəro cəhd beko.