Şeyx İbrahim Zəkzaki bəpe ozod bıbu.
Tehroni zinə ruji cumə nımoji xətib Niqeriya islamiyə hərəkati məhbusə rəhbər Şeyx İbrahim Zəkzaki vəzyəti barədə ıştə niqərani bəyon və ım məzlumə Ruhani rə ozodəti tələbış karde.
Ayətullah Muhəmməd Emami Kaşani zinə Tehroni cumə nımoji xotbəonədə votışe: Niqeriya dıvlət və hərbion de Amerkə, sionist rejim və Ale-Səud rejimi himoyəon jıqo cinoyəti əncom dodən.
Tojədən İroni mədəniyə inğilabi aliyə şura sərkatib həm qıləy bəyaniyə vasitə Şeyx İbrahim Zəkzaki səlomtəti məsoliyəti Niqeriya dıvlət zınəş be və elanış karde: bə beynəl xalğ ğanuni əsos Niqeriya dıvlət bə məzhəbi əğidəon ozədəti həxi əsos bəpe bə ım kişvəri mısılmonon ki 50 faiz çı Niqeriya cəmiyətonin məzhəbi adət ənənon dəvoniyə həxi bıdə.
Im bəyaniyədə dınyo bəşər həxon iddio əkə kişvəron sukut həm tənğid be.
Niqeriya islamiyə hərəkati lider Şeyx İbrahim Zəkzaki bə çəy kə Niqeriya hərbion həmləon bəpeştə dəstqir və 2015-nə soriku detosə bə ısət zindonədəy.
Im həmlədə Zəkzaki və çəy həyot həmro dəstqir və çəy 2 qılə hırdənon de çand sa nəfər mısılmonon bə i co şəhid bıən.
Şeyx Zəkzaki ısət dəvo-damon iyən təbib imkanatonku məhrome və deştə noxəşə həyot həmro bevəcə vəzyətədəy.