Yəməni səhiyyə vəzarətxonə: har 10 dəğiğə qıləy Yəmənıjə hırdən mardedə.

Yəməni səhiyyə vəzarətxonə ım kişvərədə 2 milyon və 300 həzo hırdəni vəşiyanəti və xorək cəhəto bevəcə vəziyətiku xəbəş do və elanış karde: har 10 dəğiğə qıləy Yəmənıjə hırdən be xorək mande xoto mardedə.

Bə Təsnim aqentiyəti raporti əsos ım vəzarətxonə raportədə bə vəba noxşəti ijən bino bey işorə bıə və elan be ki detosə bə ısət 3700 nəfər Yəmənədə ım noxşəti xoto ğəbo ni bıən.

İjən elan bıə ki Yəməni muxtəlifə məntəğəonədə 9 sa həzo nəfər bə vəba noxşəti deço bıən.

De Ərəbistoni pesoxtə bıə koalisiya vəhşiyə həmləon ki Amerkə himoyəon vasitə əncom bıdə ısət Yəmənədə muhimmə təsisaton əcumlə ov kanalizasiyon xərob bey xoto Yəməni məzlumə millət bə solimə ovi dast peydo karde imkonışon ni.

Ərəbistoni bə ım fəğırə kişvər həmlə karde Yəmənədə xorək və dəvo-damon bıhrani icodış karde.