Ərəbiston bəpe bə Yəməni notaon ciddi diğğət bıkə.
Yəməni milli heyəti rəis votışe: Səudiyə təcavuzkarə rejim bəpe bə Yəmən təcavuz karde nəticəon barədə bəyon bıə notaon ciddi diğğət bıkə.
Bə Əlməsirə kanali raporti əsos"Muhəmməd Əbdulsəlam" bə Yəmən səudiyə rejimi həmləon bino bey zəmoniku Səna ayrporti tətil bey işorəş karde və votışe: ım ayrporti fəaliyəti vəy qəte dəvom dehəştin iyən faciəinə nəticəon bois bəbe.
Tojədən Yəmənədə insonə vəziyəti bevəcə bey barədə 2 qılə bəşər həxon himoyə əkə təşkilat elan kardışone ki bə Yəmən həmlə iyən ım kişvəri həmmə tərəfinə mıhosirə karde nəticəku 32 həzo noxşə Yəmənədə ıştə coni dastiku doeşone.
Im təşkilaton raportədə təsdiğ bıə ki jıqo dehəştinə statsikaon əsliyə illət Yəməni mıhosirə xusosi ım kişvəri ayrporton tətil beykue.
Bəşər həxon barədə İ Bıə Milləton Təşkilati rəisi muavin Mark Lokok tojədən Yəməni insonə həxon vəziyəti bənə tarixədə vey bevəcə faciə hisobış karde.
Əmmo Yəməni mediyaon ım kişvəri ərtış və muğavimət qrupon səbarzətion dəvomi barədə 24 nəfər Ərəbistoni muzduron həlok beyku xəbə dodən.
Bə Əlməsirə raporti əsos dəvardə 48 saəti mıddətədə ım miğdor hərbi Yəməni senaperon əməliyoti vasitə həlok bıən.