Yəməni canqiku oxonə xəbəon.
Yəməni muğavimət qrupon iyən ərtış ğıvvon ımruj sıb Ərəbistoni cənub Əsir ostanədə bıə Məlek Xaled hərbi bazaşon bombardımon kardışone.
Əlaləm kanal həm xəbəş doe ki Yəməni Həccə ostanədə bə ƏRəbistoni mızdoron huccum karde əməliyatədə 9 nəfər çı Ərəbistoni hərbion həlok bıən.
Im qılə holədəy ki Həccə məntəğə ədə Səudion bombardımoni nəticəku 8 nəfər çı Yəməni hərbion həm kıştə və 11 nəfər yarəjə bıə bin; Ərəbistoni hərbi təyyarəon bə məskoniyə vırəon həmlə kardə bin. Yəməni səhiyyə vəzarətxonə ım həmlə məhkumış kardə.
Əmmo tojədən Yəmənədə İ Bıə Milləton Təşkilati həmohənqəkə idarə rəis həm de bəyaniyə vasitə Yəməni Ədən şəhri noəmnion nəticəku 300 nəfər kıştə və zəxmin beyku xəbəş do; ım məntəğədə tojədən bə Ərəbiston iyən bə İ Bıə Ərəb Əmiron vabəstə bıə hərbion miyono daveon nəticəku ısət Ədni kontorol kamilən bə İ Bıə Ərəb Əmiron ixtiyorədəy.
Im məsələ Yəməni istifo doe prezident iyən Ərəbistoni niqərani və əsəbin bey bois bıə.
Əmmo İroni xarıci vəzarətxonə rəsmi şəxson əcumlə vəzir Muhəmməd Cəvad Zərif iyən siyasi koonədə vəziri mışovir Əli Əsğər Xaci həm tojədən bə Yəmənədə votımon, muhasir ləğv bey iyən hərbi təcavuzi vəy qəte təkid kardışone.