Ərəbistoni Həccə ostanədə Yəməni rəket həmləon.

Imruj sıb Yəməni ərtış və muğavimət qrupon de Zelzal rəketi bə Ərəbistoni Həccə ostanədə bıə Hiran məntəğə həmlə kardışone.

Bə Əlməsirə kanali raporti əsos ım həmlə ədə çandə çı Ərəbistoni muzduron həlok ya xot zəxmin bıən.

Zinə həm bənə ımrujnə həmləon Ərəbistoni cənub bıhranədə Səudion hərbi mərkəzonış vert və veloş karde ki viyə muzduron həlokəti bois bıə.

Əmmo co tərəf xəbəon bə Ərəbiston iyən bə İ Bıə Ərəbə Əmirətion vabəstə bıə nime hərbion miyono daveon dəvom peydo kardeku hikayət kardedə.

Şiddətinə daveon ısət Yəməni cənub Əbin ostanədəy ki har tərəf pidəş bə ıştə işğal və kontrolədə bıə məntəğəon əlovə bıkə.