Hizbullah qrupi anti israil əməliyot bə təğdiri loyiğ be.

İroni milli əmniyyət aliyə şura sərkatib Hizbullah qrupi anti sionist tojə əməliyoti bə təğdiri loyiğ zınəş be və votışe: de Məhərrəmə manqi dəme həmzəman Livani Hezbullah tojə əməliyot "heyhot menəz zillə" şuari dınyoədə peveloş karde.

Bə İrib raporti əsos Əli Şəmxani Fars dıyo və Asiya ğərb məntəğəonış çı Amerkə və sionist rejimi cinoyət və xəbisə planon meydon zınəş be və votışe: İroni osmonədə Amerkə bepilotə cəsosə təyyarə məhv karde bəpeştə ısət Hezbullah tərəfo sionist rejimi tənbe karde ijən təhdidon vədə muğavimət cəhbə iradəonışon do.

İroni milli əmniyyət aliyə şura sərkatib Livani Hizbullah bənə məntəğə ədə muğavimət cərəyani rişədor, huşin və de milləti himoyəon bə icod bıə cəhbə zınəş be və votışe: bə Livani mənafe əsos hərəkət karde çı Hizbullah siyasi və mudafiə strateqiyaonin.

Livani Hezbullah zinə bə Livani əleyh çımiku bənav sionist rejimi təcavuzon reaksiyaədə Fələstin işğaliyə sərzəminon şimolədə ım rejimi qıləy hərbi maşinon məhvış karde.

Bə Hezbullah elani əsos ım maşini həmmə hərbion həlok bin.