Yəmənədə sulhi zəruriyat, Ərəbıston bəpe canqiku dast peqəto.

Yəməni canqi barədə İroni xarıci vəzarətxonə sıxənəvot rəsmən qıləy bəyaniyə vasitə elanış karde ki Yəmən və Ərəbistoni miyono ehtımaliyə sulh de İroni rizoyət dim bə dim bəbe.

Seyed Əbbas Musəvi təkidış karde ki ım təklif əqə ğəbul bıbu məntəğədə stabiləti və əmniyyəti təminəkəy.

Bə Yəməni siyasi aliyə şura rəis Mehdi Əlməşat elanon əsos əqə Ərəbiston bə Yəmən həmləon orəx bıdə Yəmən həm ıştə rəket və bepilotə təyyarəon həmləon vəy beqəte.

Ərəbiston de İ Bıə Ərəbon Əmirəti, Amerkə və sionist rejim iyən bəzi co mıttəhıdon 2015-nə sori Martiku bə Yəmən hərbi təcovuzi bino ijən ım kişvəri çı zəmin, osmon və dınyoku mıhosirə kardəşone.

Ərəbistoni hərbi təcovuz ijən Yəməni fəğırə kişvərədə ğəzo və dəvo-damon cəhətiku şiddətinə bə kam ome bois bıə.

Səudiyə rejim və de əv mıttəhid bıə məmləkəton bə Yəməni milləti mığoviməti illəti de tosə bə ısət ım kişvərədə bə ıştə niyyəton(ıştə vabəstəyon və mızdoron bə hakımiyəti rosniye) rəse mıvəffəğ bə nin.