İrağədə Ərbəine Huseyni mıştərəkə iclos.

Kərbəloədə de İron və İraği daxıli koon vəziron iştiroki Ərbəin Huseyni mıştərəkə iclos bərpo be.

Bə İrna raporti əsos Əbdul Rıza Rəhmani Fəzli və Yasin Əlyaseri ım icolosədə bə İronıjə zairon xidmət rusniye xəsusi çəvon şe-ome və iğaməti barədə muzakirə kardışone.

İroni daxıli koon vəzir Ərbəin Ərbəin Huseyni mərasemi çok dəvoniyə barədə İraği rəsmi şəxsonə səy və cəhdon bə təğdiri loyiğ zınəş be və bə 2 tərəfi muğaviləon təsir işorəş karde.

Əv təklifış do həminə əyyamədə tranzit sahədə koon hoston bey xoto çənqolə terminal həm oj bıbu.

Rəhmani Fəzli viza ləğv karde ımsornə sori Ərbəin zairon ziyod bey amil zınəş be və votışe: karde bəbe ım ğanun sori həmmə zəmonədə həm əncom bıbu.

Rəhmani Fəzli ijən təklifış do de ğeyri dıvləti şirkəton iştiroki İraği bəzi roon və xiyobonon obod bıbun ta bo zairon keyfiyətinə şərayet icod bıbu.

Tojədən islamiyə rabitə və mədəniyət təşkilati rəis Əbozər Ebrahimi Turkəman ımsornə sori Ərbəin Huseyni mədəniyə bərnaməon barədə təkidış karde: Ərbəin beynəl xalğə mokafat festivalədə 19 qılə kişvəronku 4000 əsər iştirok kardəşone.