İraği şəhronədə Komendant saət ləğv be; İraği etıraz aksiyaonədə deşmənon rol.

İraği iminə vəzir Adel Əbdul Məhdi de bəyaniyə vasitə ımrujnə rujiku ım kişvəri bəzi şəhronədə çımiku bənav eln bıə Komendant saəti ləğvış karde.

Əv bə İraği etırazəkəyon vədəş do bə şəvon ğanuni tələbon mınosib reaksiya nışo bıdə.

Xəbə ome zinə şəv İraği əmniyyətiyə rəsmi şəxson iclos kişvəri cari mıvzoon barədə tədbiron təyin karde xoto həm bərpo be; ım iclosədə İraği mudafiə vəzir və daxıli koon vəzir həm iştirok kardışone.

İraği parlemant həm ımruj etırazəkəyon tələbon barədə foğəlodə iclosi təşkil bədoy.

İraği i minə vəzir Adil Əbdul Məhdi zinə ıştə televeziya mesajədə bə İraği əmniyyətiyə vəziyəti oqəte xoto həmmə kəson məsuliyət işorəş karde və bə İraği milləti xətob votışe: milləti problemonku oğoe əmmo millət bəpe bə kişvərədə əmniyyət və stabilə şərayeti diğğət bekon; əv təkidış karde ki İrağ bə dəvardə dıvrani əv ni bəqarde.

Əmmo İraği islamiyə hərəkati uzv Huseyn Ələsədi tojədən bə Əlməyadin kanali votışe: Bəğdadi siyasəton norohtəti bois be ki Amerkə dıvlət İrağədə tojə no oromtətion icod bıkə.

İroni islamiyə şura məclesi rəisi məxsusə mışovir Huseyn Əmir Əbdullahiyan həm bə İraği tojə hadisəonədə Təkfiri terroristonku himoyə əkəyon iyən sionist rejimi rol işorə və təkidış ka: deşmənon ım xəbisə plan həm be əsər bəbe.

İraği bəzi ostanon dəvardə rujonədə etıraz aksiyaon iğtisodi problemon xoto bərpo be; bə fakton əsos ım etıraz aksiyaon milləti ıştənku təşkil bə ni.