Ərbəine Huseyni şemonədə Əhle Beyt(ə)-i aşiğon əzəmətinə iştirok.

5 ruj bə Ərbəine Huseyni yolə mərasimi mande holədə İraği ətəbate aliyatiku raporton Əhle Beyt(ə)-i aşiğon əzəmətinə iştirokiku hikahət kardedə.

Bə İrib raporti əsos, Məhərəmə manqiku 3 milyon və 200 həzo nəfər İronıjə bo Ərbəin Huseyni yolə şimonədə iştirok kardero ıştə nomi ğeyd kardəşone iyən bo 1 milyon və 800 həzo nəfəriro pasport sadir bıə.

Xəbə ome ki detosə bə ısət 2 milyon və 800 həzo nəfər həm bə İrağ varid bıən.

Bə rəsə xəbəon əsos dəvardə rujonədə Ərbəin Huseyni zairon miğdor anədə ziyod be ki İrağədə hozzo bıə imkanatonku həm və be; hətto İron 750 qılə Avtubusi bə İrağ vığandışe ta zairon vırə bə vırə bıkə; xəbə ome 280 qılə Avtubus həm bə İrağ varid bey xoto sərhədədə İraği rəsmi şəxson icazə çəş kardən.

İroni Sistan və Bəloçıstan ostani Mircavə sərhəddiku həm xəbə ome ki detosə bə ısət 88 həzo Pakistanıjə zair ƏRbəin Huseyni mərasimədə iştirok karde xoto bə İron varid bıən.

Ome haftə şənbə İmom Huseyn(ə)-i şəhodəti 40-nə ruj İrağədə həzrəti Ərbəin yolə mərasim bərpo bəbe.

ha sor bə 800 həzo nəfəri nezi daxili və xariciyə musafir çı sərhəddiku şe-ome kardən.

Huseyniyə Ərbəini piyodə şemon ki mıslmonon tədbirədə icra bedə Kərbəloədə Ərbəinə ruji bəştə əzəmət iyən şur və həyəcani barzə səth rəsedə və dınyoədə həmməysə yolə qırdbemone.