Suriyədə Ərdoğan pesoxtə bıə əmnə məntəğə icod karde fikədəy.

Bokuədə Tırk zıvonə kişvəron həmkari şura 7 minə iclosədə Rəcəb Təyyeb Ərdoğan votışe: de Suriyədə əmnə məntəğə vasitə avarəon bəştə kə oqarde bəznın.

Tırkiyə prezident votışe: detosə bə ısət 1000 kilometr çı Reğğə iyən Həsəkə məntəğə terroriston destiku xilos bıə.

Ərdoğan təkidış karde Tırkiyə əməliyat detosə P.K.K iyən Y.P.Q hərbion məhv karde dəvom peydo bəkay.

Bə Tırkiyə mudafiə vəzarətxonə elani əsos detosə bə ısət 5600 nəfər Kırd Suriyə ədə Tırkiyə əməliyaton vasitə kıştə bıən.

Jıqo iddeon qılə holədəy ki bə Suriyə Tırkiyə təcavuzi məhkum karde muxtəlif kişvəron tərəfo dəvom kardedə.

İroni xarıci vəzir Muhəmməd Cəvad Zərif tojədən bə Suriyə ədə Tırkiyə hərbi əməliyoti sə karde zərruriyati işorə iyən təsdiğışka: Adana nomo bıə saziş bəpe beynəl xalğ homanitarə roon vasitə Suriyə iyən Tırkiyə miyono icra bıbu.

Almaniya həm bəyaniyə vasitə bə Suriyə Tırkiyə hərbi təcavuzi barədə ıştə niqərani elanış karde Çini dıvlət həm rə Suriyəku Tırkiyə hərbion xaric bey tələbış karde.