Şəhid Suleymani terrori barədə detalon.

İraği qıləy oğoə mənbə elanış karde ki Bəğdadi ayrporti fəaliyətonədə nıfuz kardə qıləy cəsusə qrup qeneral mayor Ğasım Suleymani və Əbu Məhdi Əlmuhəndesi terror əməliyatədə rolışon be.

Bə Ruyterz aqentiyəti raporti əsos, ım oğoə mənbə elanış karde ki Bəğdadədə bıə ım cəsusə qrup lazimə məlumat iyən informassiyaon bə Amerkə hərbion doşone ta qeneral Suleymani və çəy həmrəzmon terrori zəminə icod bıkə.

Im raportədə təsdiğ bıə ki cəsusə qrupədə Bəğdadi ayrporti koəkəyonku 2 nəfər iyən Suriyə qıləy Avyasiya şirkəti koəkəyonku 2 nəfər uzvin.

İslami inğilabi nığo doə Ğuds ğıvvə fərmondə qeneral Suleymani cumə yanvari 3 nə ruji bə İraği rəsmiyə şəxson dəvəti əsosi bə ım məmləkət səfərış kardə be və  Həşdu-şəbi muavin Əbu Məhdi Əlmuhəndes və 8 nəfər ki dəy həmro bin Amerkə mutəcavez və  terroristiyə ğıvvon bə İraği Bəğdadı aeroporti nezi hucumədə bə şəhodət rəsin