Idlibədə Suriyə hərbi muvəffəğ əməliyaton dəvom kardedə.

Suriyə ərtış, Idleb ostanədə muvəffəğ əməliyaton dəvomədə 2 qılə dişon çı terroriston işğaliku ozod kardışone.

Bə Təsnim aqentiyəti raporti əsos Idlebədə çımi bənav və Suriyə hərbi əməliyaton nəticədə vey di iyən məntəğəon ozod bıə bin.

Əmo xəbə ome Idleb ostani cənub Cəbəluzaviyədə Suriyə və Tırkiyə ərtışi miyono ijən hərbi daveon bino be.

Xəbəon ijən sərhəddiku Tırkiyə hərbi təchizaton bə Suriyə varid beyku hikayət kardedə.

Tojədən Tırkiyə Rəcəb Təyyeb Ərdoğan iddeoş karde ki Idlebədə oroməti iyən stabilə şərayeti icod karde fikədəy.

Im qılə holədəy ki Ərdoğan çımi bənav təhdidış kardə be ki Idlebədə tojə ozod bıə məntəğəonku Suriyə hərbiçiyon bəpe xaric bıbun və əqə jıqo kon Tırkiyə bəvon həmlə bəkay.