Yəmənədə Ərəbistoni təcavuz dəvom kardedə; Yəməni insoniyə şərayetiku xəbəon.

Səudiyə rejimi hərbi təyyarəon dəvardə 24 saəti mıddətədə 77 kərə Yəməni muxtəlif məntəğəon bombardımon kardışone; həmləon vey ni Məareb, Emran, Səədə, Həccə və Nəcran məntəğəonədə be.

Fəğət Səna bombardımonədə jıqo elan bıdə ki 16 nəfər ğeyri hərbi kıştə bən.

Yəməni Ənsarullah siyasi uzv Muhəmməd Əlbəxiti tojədən Səudiyə rejimi tərəfo bə ğeyri hərbion həmlə məhkumış karde və ım təcavuzonədə İ Bıə Milləton Təşkilati sukuti çı təəssuf iyən be abroçiti bois bə hisobış varde.

Yəməni səhiyyə vəzarətxonə iyən milli nicot dıvləti sıxənəvot həm Yəmənədə bə insoni vəziyəti diğğət nıkarde xoto İ Bıə Milləton Təşkilati sukuti tənğid kardışone.

Qılə holədə ki Yəmənədə xusosi bə hırdənon əleyh Ərəbistoni cinoyəton ojə-oşkor dəvom kardedə tojədən xəbə ome ki İ Bıə Milləton Təşkilat hırdənon həx huğuği poymoləkə siyahiku Ərəbistoni nomi xaricış karde.