Bəğayi: Yəməni barədə İron bəştə nəzə sabitğədəme

Pars Tudey- İroni xarıci koon vəzorətxonə sıxanəvot təkidış karde ki İron, Yəməni mıvzo barədə ıştə prinsipi nəzədə sabitğədəme.

Bə Pars Tudey raporti əsos ki Tele-Rədyoku nəğlış karde, İroni xarıci koon vəzir İsmail Bəğayi zinə de jurnaliston votımonədə, Ərəbiston-Yəməni dave vədə, İroni İslomi Respublika nəzəon şərh doey əlovə, diplomatiya royku bo məsələon həlliro bə Ərəbiston və Yəməni miyono votımoni zərrurəti təkidış karde.İroni xarıci koon vəzorətxonə sıxanəvot ijən təsdiğış karde İron İslomi Respublika həmişə bo bə daveon koməki həmkoətiro hozzo be və ijən həm hozzoətiş heste ki ehanə 2tərəf rozi bıbun, həminə cəhətədə, ıştə həmmə zərfiyətonku istifodə bıkon.