İroni xarıci vəzir de Əmmar Həkim vindımonış karde, İrağədə Zərifi muzakirəon.

İroni xarıci vəzir ki bə İrağ səfərış karde de ım kişvəri milli hikmət cərəyani yol vindemon iyən muzakirə kardışe.

İroni xarıci vəzir Muhəmməd Cəvad Zərif iyən hikmət cərəyani yol Əmmar Həkim ım videmonədə 2 qılə kişvəri miyono bıə əloğəon iyən məntəğə məsələon barədə sohbət kardışone.

Zərif çimi bənav və bə İrağ səfəri cərəyonədə de prezident Bərhəm Saleh iyən i minnə vəzir Mustəfa Əl-Kazimi, xarıci vəzir Foaf Huseyn iyən parlamentədə bıə Bədr cərəyani yol Hadi ƏlAmeri votımonış kardə be.

İroni xarici vəzir Muhəmməd cəvad Zərif de İraği ali rəsmi şəxson muzakirə karde xoto zinə sıb bə Bəğdad varid bıə.

Siyosi, ticari və iğtisodi iyən əmniyəti həmkarion, İron və İraği mıştərək iğtisodi-ticari tojə iclos iyən prezidentom miyono imza bıə sənədon bə vırə rosniye əcumlə həminə səfəri hədəfonin.

İroni xarici vəzir bə İrağ varid bey faxti iyən səfəri i minnə bərnomədə Bəğdad aeroporti nezi ğeneral şəhid Suleymani iyən Əbu Məhdi Əl-Muhandesi şəhid bıə vırədə bə çəvon məğomi ehteroməş noə.

Əv jurnaliston cəmədə votışe ki ım səfərədə muğavimət şəhidon terrori barədə tədğiğon çərçivədə de İraği rəsmi şəxson muzakirə bəbe.