Yəmənədə Səudiyə rejimi cinoyəton dəvom kardedə.

Bə Ərəbiston vabəstə bıə hərbi koalisiya dəvardə 24 saəti mıddətədə 150 kərə Yəməni ğərb Əl-Hudəydə ostanədə otəşbasti darıştəşe.

Bə Əlməsirə kanali raporti əsos, həminə zəmoni mıddətədə Şar-Əlxəmis və Əl-Dorəyhəmiədə 13 qərə qəsusə təyyorəon təcavuz, Əl-Fazə və Həysədə 5 kərə ğırəkə təyyorəon pəre həmçenin Əlhudəydə, Əlfazə iyən Əl-Cəbliyə şəroron osmonədə 19 kərə bepilotə təyyorəon nufuz çı otəşbasti ləqv karde nımunəonin.

Xəbədə ğeyd bıə ki Ərəbiston ijən 30 kərə de artileriya iyən 83 kərə de qullə ğande vositə Əl-Hudəydə məntəğə otəş basti darıştəşe.

Ərəbiston de Amerkə, İ Bıə Ərəbə Əmirətion və co çand qılə kişvəron koməki 2015-ə sori Martiku bə Yəmən təcavuz və ım məzlumə kişvəri muhasirəş karde.

Yəmənədə Ərəbiston və çəy mıttəfiğon canqtələbə siyosəton tosə bə ısət çand həzo nəfəri kışte və çand milyon nəfəri avarəti bois be.