Zərif: sionist rejimi tərəfdaron bəştə milləti xəyanət kardəşone.

İroni xarıci vəzir votışe: kəsoni ki sionist rejim çəvon i minnə prioritet be fəğət çəmə məntəğə xərob nıkardəşone, bəlkəm bəştə milləti həm xəyanət kardəşone ta səçınədə sədoon kəsb kon.

Muhəmməd Cəvad Zərif ıştə zinə şəvi tojə Tuvitter mesajədə iyən Amerkə prezidenti tojə sohbəton cəvobədə nıvıştışe: Trampi ım sıxanon nışo doydə ki çəy ailə bə ki iyən çi bəfodorin.

Zərif əlopvəş karde: ısət oşko bıə ki boçi 7 tirilyon dollar çı Amerkə moliyot pulon iyən çandə çı şahrvandon con ğıboni bıə.

Amerkə prezident tojədən ıştə zomoş bo sioniston yolə lider elan karde və eterofış karde ki Amerkə fəğət sioniston xoto miyonə şərğ məntəğədəy.

Donald Tramp 4 şənbə həm bə Amerkədə bıə yəhudion iştimaiyəti yol zanqış karde və votışe: əmə bə israili i minnə vəziri tələbi əsos ironi ətom muğaviləku xaric bimon çən bəpe omə səçınədə yəhudiyon bə mı veyə sədo bıdən.