Səudiyə rejimi tojə pesoxtə bıə senari İroni tərəfo təkzib be.

İroni xarıci vəzarətxonə sıxanəvot bə Ərəbistoni tojə anti İron pesoxtə bıə senari reaksiya nışoş do və bə ım rejimi hakimon tovsiyəş karde ki dırıstəti iyən hikmət roon intixob kon.

İroni xarıvi vəzarətxonə sıxanəvot Səid Xətibzodə votışe: bə İroni nizom Səudiyə rejimi tojə ittihomon dəvardə soronədə bıə be əsos iyən tikrori nəzəon dəvomi çərçivədəy.

Xətibzodə əlovəş karde: Səudiyə rejimi hakimon, de siyosi ağılmandəti bə kəno noe ısət de tikrori senari vositə anti İron pesoxtə bıə duə planon kəşəşone ta ıştə cinoyəton puşniyero umum fikon mınhərif kon.

İroni xarıvi vəzarətxonə sıxanəvot Səid Xətibzodə təkidış karde: Ərəbistoni jiğonə be əsos, kam əhəmmiyət və tikrori ittihomon qıləy ko ni ki səudiyə rejimi hədəfon bə nəticə rosniye bois bıbu.

Ərəbiston tojədən iddioş karde ki ım kişvərədə bə İron vabəstə bıə qıləy terroristiyə qrupi uzvon qətəşe.